أهلاً .. وسهلاً .. نحن سعداء بتشريفك لموقعنا ... فأهلاً بك عطْراً فوَّاحاً ينثرُ شذاه في كلِّ الأَرجاء ...أهلاً بك قلماً راقياً وفكراً واعياً نشتاقُ اليه ... اهلاً بكم نجوماً في سماءنا نحن
الأربعاء، 5 مارس 2014

أرض الكنانة

أرض الكنانة
*****************

بحبك يا مصر.
 يا أرض الكنانة . 
بحبك بجد .
وبدون خيانة .

 بحبك وليا في حبك عتاب .
عتابي يا مصر من قلب داب .
داب في حبك وحب الكتاب .
كتابك يا مصر ولّا انستيه . 
كتاب التاريخ اللي سطّرتيه

ينفع يا مصر يا أرض الأمانة . 
 أرضك يا مصر أرض الخيانة . 
ينفع يا مصر يا أرض الكنانة . 
 أرضك يا مصر أرض المهانة . 

ينفع يا مصر ابنك يجوعْ . 
ينفع يا مصر يبكي بدموعْ . 
ينفع يا مصر حلمه يضيعْ .
ينفع يا مصر ليكي يبيعْ .
ممكن تقولي مَبَلاش جنان .

كلامك أصلا ملهوش ميزان . 
هقولك  قولي إيه الميزان . 
هو الميزان ..... إنك تشبعْ.
 وأنا جعان . 
ولّا الميزان ...... إنك تشرب .
 وأنا عطشان .
ولّا الميزان ...... إنك عزيز .
وأنا مُهان . 
ولّا الميزان ....... إني أخاف . 
وأنتا في أمان . 
أي ميزان ؟؟!! 

آآآآه .... يا صحبي  .
 أنا تعبان .
وعارف يا صحبي إنْ كلامي ....
ملهوش ميزان .
أقولك يا صحبي ...........
 مفهاش ميزان .

يا أرض الكنانة فين الميزان . 
قولِي  ليوسف فين الميزان .
آآآآه ...يا مصر فات الأوان .
فاكره يا مصر أيام زمان . 
أيام ما كان فيك الميزان . 
أيام ما كان مليكي الأمان .

كان حضنك يا مصر كله حنان . 
عتابي يا مصر عتاب اللي حب .
مش عتاب اللى خان . 
بحبك يا مصر . 
بحبك وحبك مالي الكيان . 

أ/ عبدالحميد هلال

1 التعليقات:

  1. بامصر ياطيبة ايه اللي صار
    ايه اللي طول المشوار
    الليل فيك طال والنهار
    النهار ليه فيك غاب
    طول في الغياب
    النهار ياصحبي
    جي يحبي
    النهارعلي بابك طول في الانتظار
    الليل غراب
    الليل عذاب
    الليل يا صحبي علي كل باب
    غاب

    ردحذف